Month: May 2022

ໃນຕອນເຊົ້າຂອງວັນສຸກ, ວັນທີ 9 ເມສາ 2021 ວິທະຍາໄລເຕັກນິກສັບພະວິຊາ ໄດ້ຈັດພິທີໃສ່ບາດ ສູດລົດນໍ້າ ແລະ ບາສີສູ່ຂັວນຕາມຮີດຄອງປະເພນີລາວ ເພື່ອສະເຫລີມສະຫລອງຕ້ອນຮັບບຸນປີໃຫມ່ລາວ ພສ 2564 ທີ່ຈະມາເຖີງ ໂດຍມີອາດີດພະນັກງານບຳນານ, ບັນດາຄະນະນຳ, ພະນັກງານຄູອາຈານ ພ້ອມດ້ວຍນັກສຶກສາເຂົ້າຮ່ວມຢ່າງເປັນຂະບວນຟົດຟື້ນ, ຂໍອວຍພອນໃຫ້ແກ່ພະນັກງານບຳນານ, ບັນດາຄະນະນຳ, ພະນັກງານຄູ-ອາຈານ ແລະ ນັກສຶກສາ ທຸກໆທ່ານ ຈົ່ງມີສຸຂະພາບເຂັ້ມແຂງ ແຂງແຮງ ປະສົບຜົນສຳເລັດໃນຫນ້າທີ່ວຽກງານຂອງບັນດາທ່ານທຸກປະການດ້ວຍເທີ້ນ

ໃນຕອນເຊົ້າວັນພະຫັດ, ວັນທີ 13/05/2021 ເວລາ 10:00ໂມງ ກຸ່ມຮ້ານສະດວກຊື້ Jmart ໄດ້ມາມອບເຄື່ອງອຸປະໂພກ-ບໍລິໂພກ ລວມມູນຄ່າທັງຫມົດ 5,500,000ກີບ ໃຫ້ກັບນັກສຶກສາວິທະຍາໄລເຕັກນິກສັບພະວິຊາທີ່ຕົກຄ້າງຢູ່ຫໍພັກ ໂດຍມີທ່ານ ວິໄລພອນ ພົມມະຫາໄຊ ຜູ້ອຳນວຍການວິະຍາໄລເຕັກນິກສັບພະວິຊາ ພ້ອມດ້ວຍຄະນະ ແລະ ຕາງຫນ້າສາມອົງການຈັດຕັ້ງມະຫາຊົນເຂົ້າຮ່ວມຮັບເຄື່ອງດັ່ງກ່າວ ຂໍຂອບໃຈທາງກຸ່ມຮ້ານສະດວກຊື້Jmart ທີ່ໄດ້ໃຫ້ການຊ່ວຍເຫລືອນັກສຶກສາຂອງພວກເຮົາ ຂໍໃຫ້ທຸລະກິດຂອງພວກທ່ານຈະເລີນຮຸ່ງເຮືອງຂື້ນໄປເລື້ອຍໆດ້ວຍເທີ້ນ

ຕອນບ່າຍວັນສຸກ,​ ວັນທີ 4 ມິຖຸນາ 2021 ຫນ່ວຍອາສາພັດທະນາຊຸມຊົນ ໄດ້ມາມອບສະບຽງອາຫານໃຫ້ກັບນັກສຶກສາທີ່ຍັງຕົກຄ້າງຢູ່ຫໍພັກ ລວມມູນຄ່າ 6.000.000 ກີບ(ຫົກລ້ານກີບ)​ ຕ້ອນຮັບໂດຍທ່ານ ຂັນຫອມ ຫລວງສຸພົມ ຮອງເລຂາຄະນະພັກຮາກຖານ,​ຮອງຜູ້ອຳນວຍການ ວິທະຍາໄລເຕັກນິກສັບພະວິຊາ ພ້ອມດ້ວຍ 3 ອົງການຈັດຕັ້ງມະຫາຊົນ.

ພິທີເປີດຝືກອົບຮົມໃຫ້ບັນດາ ອາຈານສອນ ຂອງວິທະຍາໄລເຕັກນິກສັບພະວິຊາ ໂດຍ ທ່ານ ວິໄລພອນ ພົມມະຫາໄຊ ອຳນວຍການ ວຕສ ເປັນປະທານໃນການເປີດພິທີ ແລະ ທ່ານ ສຸນລິວັນ ຄຳພາວົງ ຮອງອຳນວຍການ ວຕສ ເປັນຄະນະ ໃນຫົວຂໍ້ການຝືກອົບຮົມ”ການນຳໃຊ້ Google meet,​ZOOM ແລະ Ednodo ເຂົ້າໃນການຈັດຕັ້ງການຮຽນການສອນແບບອອນລາຍ”​ ຂອງ ອາຈານ ສອນ ພາຍໃນພະແນກ ແລະ ພາກວິຊາ ຂອງວິທະຍາໄລເຕັກນິກສັບພະວິຊາ…

ບັນຍາກາດການຝຶກອົບຮົມຂອງອາຈານ ວິທະຍາໄລເຕັກນິກສັບພະວິຊາ ມື້ທີ່ 2 ໃນຫົວຂໍ້ໃນມື້ນີ້ ການນຳໃຊ້ Edmodo ແລະ ທົດສອບລະບົບສອບເສັງອອນລາຍຂອງອາຈານໃນ.ວຕສ

ບັນຍາກາດນັກສຳມະນາກອນໃນການຝືກອົບຮົມໃນຫົວຂໍ້ການນຳໃຊ້ google meet.​Zoom ແລະ Edomdo ເຂົ້າໃນການຮຽນການສອນແບບອອນລາຍ ມືທີ່ 3

ປິດພິທີການຈັດຝືກອົບຮົມການນໍາໃຊ້ Edmodo.​Google meet.​Zoom.​ເຂົ້າໃນການຈັດການຮຽນການສອນ ແລະ ການສອບເສັງອອນລາຍ.

ວັນທີ່ 2-6/07/2021 ພາກວິຊາ ໄອທີວິສະວະກຳ ໄດ້ຈັດພິທີເປີດການປ້ອງກັນບົດຈົບຊັ້ນ ຂອງນັກສຶກສາ 1 ຂະແໜງ ໄອທີພູມສັນຖານ2 ຂະແໝງ ໄອທີອຸດສາຫະກຳ3 ຂະແໜງ ວິທະຍາສາດຄອມພິວເຕີເຊິ່ງມີນັກສຶກທັງໜົດເຂົ້າຮວມໃນການປ້ອງກັນບົດທັງໜົດ 92 ຄົນ

ເນື່ອງໃນໂອກາດສະເຫຼີມສະຫຼອງວັນຄູແຫ່ງຊາດ 7 ຕຸລາ ຄົບຮອບ 27 ປີ ທີມງານຄູອາຈານໄດ້ມອບສະບຽງອາຫານ ລວມມູນຄ່າ 1.000.000 ກີບ ເພື່ອນຳໃຊ້ເຂົ້າໃນວຽກງານ ປ້ອງກັນຄວາມສະຫງົບ ຂອງວິທະຍາໄລເຕັກນິກສັບພະວິຊາ.​ ມອບໂດຍຄອບຄົວທ່ານ ພູວຽງໄຊ ສີຫາວົງ ຫົວຫນ້າພາກວິຊາ ທໍລະນີສາດ ແລະ ຄອບຄົວທ່ານ ແກ້ວ ວິໄລທອງ ຫນ່ວຍງານພົວພັນ,​ ກ່າວຕ້ອນຮັບໂດຍທ່ານ ວິໄລພອນ ພົມມະຫາໄຊ ເລຂາຄະນະພັກຮາກຖານ,​ຜູ້ອຳນວຍການ ວິທະຍາໄລເຕັກນິກສັບພະວິຊາ. ການຈັດຕັ້ງວິທະຍາໄລເຕັກນິກສັບພະວິຊາ ຂໍສະແດງຂອບໃຈ…