ໃນວັນທີ 10 ມີນາ 2022 ຜ່ານມານີ້ 3ສະຖານສຶກສາ ໄດ້ຈັດພິທີສະເຫລີມສະຫລອງວັນແມ່ຍິງສາກົນ ຄົບຮອບ112 ປີ (8 ມີນາ 1910 – 08 ມີນາ 2022) ເຊິ່ງພິທີດັ່ງກ່າວໄດ້ຈັດຂຶ້ນຢູ່ທີ່ ວິທະຍາໄລເຕັກນິກສັບພະວິຊາ ໂດຍໃຫ້ກຽດເປັນປະທານ ແລະ ປາຖະກະຖາເລົ່າມູນເຊື້ອ ໂດຍ ທ່ານ ນ ສິລິກິດ ບຸບຜາ ຄະນະພັກ, ຮອງປະທານ ຄະນະບໍລິຫານງານສູນກາງສະຫະພັນແມ່ຍິງລາວ ແລະ ທ່ານ ນ ບົວຄໍາ ດາວສະຫວັນ ຄະນະບໍລິຫານງານສູນກາງສະຫະພັນແມ່ຍິງລາວ, ຄະນະພັກກະຊວງ, ປະທານຄະນະບໍລິຫານງານສະຫະພັນແມ່ຍິງກະຊວງສຶກສາທິການ ແລະ ກິລາ ໂດຍມີບັນດາຄະນະພັກຮາກຖານ, ຄະນະອໍານວຍການ, ຄະນະພະແນກ/ພາກວິຊາ ແລະຄະນະສາມອົງການຈັດຕັ້ງມະຫາຊົນພ້ອມດ້ວຍສະມາຊິກຂອງ ວິທະຍາໄລເຕັກນິກສັບພະວິຊາ , ວິທະຍາໄລເຕັກນິກລາວ – ເຢຍລະມັນ ແລະ ສູນພັດທະນາຜູ້ປະກອບກິດຈະການລາວ-ອິນເດຍ ເຂົ້າຮ່ວມ ຈໍານວນ 116 ສະຫາຍ, ຍິງ 74 ສະຫາຍ. ໃນພິທີດັ່ງກ່າວ ໄດ້ມີພິທີປະຖະກະຖາເລົ່າມູນເຊື້ອວັນແມ່ຍິງສາກົນ, ຮັບຟັງການມີຄຳເຫັນໂອ້ລົມ ແລະ ມີຂະບວນການແຂ່ງຂັນກິລາມວນຊົນເພື່ອຮັດແໜ້ນຄວາມສາມັກຄີດ້ວຍບັນຍາກາດຟົດຟື້ນມ່ວນຊື່ນ.
