ພິທີປະກາດປະກາດແຕ່ງຕັ້ງ ພະນັກງານດໍາລົງຕໍາແຫນ່ງປະເພດ 3 ແລະ ດໍາເນີນຊີວິດການເມືອງ ພາຍໃນວິທະຍາໄລເຕັກນິກສັບພະວິຊາ ໄດ້ຈັດຂື້ນໃນວັນທີ 23 ທັນວາ 2021 ຜ່ານມາ ທີ່ສະໂມໃຫຍ່ ວິທະຍາໄລເຕັກນິກສັບພະວິຊາ, ໂດຍໃຫ້ກຽດເປັນປະທານ ຂອງ ທ່ານ ຫນູພັນ ອຸດສາ ຫົວຫນ້າກົມອາຊີວະສຶກສາ, ທ່ານ ອຸ່ນຄໍາ ອ້ວນສະຫວັນ ຮອງຫົວຫນ້າກົມຈັດຕັ້ງ ແລະ ພະນັກງານ ກະຊວງສຶກສາທິການ ແລະ ກິລາ ແລະ ທ່ານ ວິໄລພອນ ພົມມະຫາໄຊ ຜູ້ອໍານວຍການວິທະຍາໄລເຕັກນິກສັບພະວິຊາ ພ້ອມດ້ວຍ ຄະນະນໍາບັນດາໂຮງຮຽນອ້ອມຂ້າງກະຊວງສຶກສາທິການ ແລະ ກິລາ ແລະ ພະນັກງານຄູອາຈານ ພາຍໃນວິທະຍາໄລເຕັກນິກສັບພະວິຊາເຂົ້າຮ່ວມຢ່າງພ້ອມພຽງ.ໃນພິທີ, ໄດ້ມີການຜ່ານມະຕິຕົກລົງວ່າດ້ວຍການແຕ່ງຕັ້ງພະນັກງານດໍາລົງຕໍາແຫນ່ງບໍລິຫານປະເພດ 3 ຈໍານວນ 1 ທ່ານ ຄື: ທ່ານ ວີໄລພອນ ພົມມະຫາໄຊ ຮອງຜູ້ອໍານວຍການ ຂື້ນເປັນຜູ້ອໍານວຍການ ວິທະຍາໄລເຕັກນິກສັບພະວິຊາ ຢ່າງເປັນທາງການ ແລະ ເປີດບັ້ນດຳເນີນຊີວິດການເມືອງພາຍໃນວິທະຍາໄລເຕັກນິກສັບພະວິຊາກ່ອນຈະເປີດສົກຮຽນໃຫມ່.
