ໃນວັນທີ 2 ມິຖຸນາ 2023, ທະນາຄານການຄ້າຕ່າງປະເທດລາວ ມະຫາຊົນ ໄດ້ມອບຄອມພິວເຕີ ຈຳນວນ 01 ຊຸດ ແລະ ເຄື່ອງປິ່ນເອກະສານ ຈໍານວນ 01 ຊຸດ ໃຫ້ແກ່ວິທະຍາໄລເຕັກນິກສັບພະວິຊາ, ໃຫ້ກຽດມອບໂດຍ ທ່ານ ນ ບົວໄພວັນ ນັນດາວົງ ຮອງຜູ້ອຳນວຍການ, ປະທານໂຄງການບັດນັກສຶກສາ ທຄຕລ ພ້ອມດ້ວຍຄະນະ ແລະ ໃຫ້ກຽດຮັບໂດຍ ທ່ານ ວິໄລພອນ ພົມມະຫາໄຊ ເລຂາຄະນະພັກຮາກຖານ, ຜູ້ອໍານວຍການວິທະຍາໄລເຕັກນິກສັບພະວິຊາ ພ້ອມດ້ວຍຫົວຫນ້າພະແນກ/ພາກວິຊາ ແລະ ຕາງຫນ້າ 03 ອົງການຈັດຕັ້ງມະຫາຊົນ.
